Наил Мәһдиев ялга кайткан хәрби хезмәткәрләр белән очрашты

Чаллы хакиме Наил Мәһдиев вакытлыча ялга кайткан хәрби хезмәткәрләр белән очрашты. Иң беренче ул аларның һәркайсына кул биреп исәнләшеп чыкты.

«Бу 19нчы очрашуыбыз. Ватаныбызны сакларлык ир-атлар үстергән әти-әниләрегезгә, туганнарыгызга һәм гаиләләрегезгә рәхмәтемне белдерәм», - диде Наил Мәһдиев.

Очрашуда ул хәрби хезмәткәрләрнең гаиләләренә нинди ярдәм күрсәтелгәне турында сөйләде һәм киләчәктә дә аларның игътибар үзәгендә булачагын әйтте.