Башкарма комитет җитәкчесенең беренче урынбасары Илья Зуев доклад ясады һәм җәйге чорда шәһәрнең иҗтимагый киңлекләрендә эшне оештыру турында сөйләде.
Автополив системасы булмаганлыктан газоннар саргая, чәчәкләр шиңә. Шуны истә тотып, Фикрәт Табеев һәм Тукай яр буена автополив системасы урнаштырылачак.
«Автополив системасын үстерергә һәм камилләштерергә кирәк», – диде башкарма комитет җитәкчесенең беренче урынбасары Илья Зуев.
Яр Чаллы шәһәрендә «Азатлык» мәйданында, Җиңү паркында, Шишкин һәм Яшь Ленинчылар бульварында автополив системасы уңышлы эшли.
Шәһәрдә физик сәламәтлеккә зур игътибар бирелә. 300дән артык күңел ачу һәм спорт чаралары үткәрү планлаштырыла.